കേരളത്തിന്റെ സാംസ്കാരിക തലസ്ഥാനമാണ് തൃശ്ശിവപേരൂര് എന്നു പേരുകേട്ട തൃശൂര് . ചരിത്ര-സാംസ്കാരിക സ്ഥാപനങ്ങളുടെ ആസ്ഥാനമെന്നതു കൂടാതെ സമ്പുഷ്ടമായ ഭൂതകാലവും വൈവിധ്യമാര്ന്ന ഭൂപ്രകൃതിയും ഭൂമിശാസ്ത്രപരമായ സ്വീകാര്യതയും തൃശൂരിന്റെ ചരിത്രപരമായ പ്രാധാന്യം വെളിപ്പെടുത്തുന്നു. പൂരവും പുലിക്കളിയും ആനപ്രേമവുമെല്ലാം തൃശൂരിന്റെ ഹൃദയത്തില് അലിഞ്ഞു ചേര്ന്നിട്ടുള്ളതാണ്. മധ്യകേരളത്തില് എറണാകുളം, പാലക്കാട്, മലപ്പുറം ജില്ലകള്ക്കും തെക്കുകിഴക്കേ അതിരിലെ തമിഴ് നാട് അതിര്ത്തിക്കും മധ്യത്തിലായാണ് തൃശൂര് ജില്ലയുടെ സ്ഥാനം. 54 കി.മീ നീണ്ടുകിടക്കുന്ന കടല്ത്തീരവും 103619 ഹെക്ടര് വനവും നീണ്ട മലനിരകളും ഇടനാടന് സമതലവും സമൃദ്ധമായ നദികളും കൊണ്ടുള്ള സമ്മിശ്ര ഭൂപ്രകൃതിയാണ് തൃശൂരിന്റെ പ്രത്യേകത.
